Outros recursos

siguenos-en-facebook

BannerUEedusi2020

 BannerArquivoAudiovisual2017

radioredondela
divisorfinal

farmaciasgarda

O tempo

Proxectos

BannerPaulinaSanchez2017

BANNERobradoiroRedemprega2017

BannerIdeaRedondelaPXOM2015

BannerApego2015

BanerFondoGalegoCoop

CONCERTO DO COMPOSITOR "cHANÉ" EN CLAVE DE JAZZ CUBANO, O 9 DE DECEMBRO NO MULTIUSOS

BannerConcertoNormalizacionChaneRedondelaNadal2017

Concerto en formato reducido sobre as músicas reinterpretadas do compositor José Castro “Chané” en clave de jazz cubano para presentar o disco que se lanzou este outono nun proxecto especial argallado por aCentral Folque para conmemorar o centenario da morte do xenial músico.

Este concerto do Alejandro Vargas Trio coa cantante Rosa Cedrón fará un repaso dos 12 temas do disco de “Chané na Habana”, gravado a finais de xullo no Auditorio de Galicia. Arranxos actuais sobre o repertorio recuperado de Chané, unha das figuras do rexurdimento musical galego a finais do século XIX e que morreu na Habana no 1917.

O elenco artístico é:

  • Alejandro Vargas: piano e arranxos

  • José Manuel Díaz: contrabaixo e arranxos

  • L.A.R. Legido: batería

  • Rosa Cedrón: voz

“Chané na Habana” é o novo espectáculo musical d’aCentral Folque que xunta a un grupo de artistas do mundo do jazz, a clásica e o folk, reunidos especialmente para reinterpretar o repertorio de José Castro “Chané” no centenario do seu pasamento. Alejandro Vargas Consort & Camerata Egeria coa cantante Rosa Cedrón súbense ao palco para tocar, cantar e gravar as cancións do xenial compositor galego.

Co obxectivo de ofrecer unha visión nova e desprexuiciada do clásico galego abórdase a súa obra dunha forma inédita: desde o sentir musical cubano. Chané viviu e desenvolveu grande parte da súa obra na Habana, onde morreu. Hoxe, cen anos despois da súa morte, son unha selección de extraordinarios músicos liderados polos cubanos Alejandro Vargas e José Manuel Díaz os que abrazan e reelaboran o seu repertorio para devolvelo con unha nova vitalidade ao maxín popular galego.

PÓDENSE RETIRAR OS PASES UNHA HORA ANTES DO CONCERTO NO PROPIO MULTIÚSOS DA XUNQUEIRA